Raza Musani 
کابل : افغان طالبان کی اعلیٰ قیادت میں اندرونی اختلافات کھل کرسامنے آگئے۔ قیادت کابل اور قندھار کے دو دھڑوں میں بٹ کر رہ گئی۔ بی بی سی کے مطابق طالبان کے سربراہ ہیبت اللہ اخوندزادہ کی ایک آڈیو کلپ افشا ہوئی ہے جس میں انہیں متنبہ کرتے ہوئے سنا جا سکتا ہے کہ اندرونی تقسیم کے نتیجے میں اسلامی امارت کا خاتمہ ہو سکتا ہے۔ ہیبت اللہ اخوند زادہ کی زیر قیادت قندھاری گروہ سخت گیر اسلامی امارت کا قائل ہے جبکہ وزیر داخلہ سراج الدین حقانی، وزیر دفاع اور نائب وزیراعظم عبدالغنی برادر جیسے طاقتور رہنماؤں پر مشتمل گروپ خلیجی ریاستوں جیسا ماڈل چاہتا ہے۔ دونوں گروپوں میں خواتین کی تعلیم اور انٹرنیٹ کی بندش پر سخت اختلافات پائے جاتے ہیں۔
