Raza Musani 
غزہ: غزہ پر حملوں میں شدت آگئی ہے۔ صیہونی فوج نے شدید حملے کرکے چوبیس گھنٹوں میں ایک صحافی سمیت سو فلسطینی شہید اور ڈھائی سو کے قریب زخمی کردئے۔
صیہونی فوج نے حملوں میں شدت لاتے ہوئے رہائشی عمارتوں، بےگھروں کی پناہ گاہوں اور خیموں پر بمباری کی اور انہیں ملیا میٹ کردیا۔ تباہ شدہ عمارتوں کے ملبے تلے سینکڑوں افراد کے دبے ہونے کا خدشہ ہے، اسرائیلی بمباری کی وجہ سے ہنگامی اور شہری دفاع کی ٹیمیں ان تک پہنچ نہیں پا رہی ہیں۔ لاشوں میں سے 23 کو الشفا ۔29 کو الاہلی ۔ 28 کو العودہ۔ 9 کو ناصر اور نو کو الاقصیٰ اسپتال منتقل کیا گیا۔ متاثرین میں چھ افراد بھی شامل ہیں جو وسطی اور جنوبی غزہ میں انسانی امداد کے منتظر تھے۔
