Raza Musani 
نئی دہلی : ہندوستانی وزیراعظم نریندر مودی نے استعفیٰ دے دیا۔ نریندر مودی نے راشٹریہ بھون میں صدر دروپدی مرمو سے ملاقات کی اور انہیں استعفی اور لوک سبھا تحلیل کرنے کا خط پیش کیا۔ صدر نے وزیراعظم کا استعفی منظور کرلیا اور انہیں اگلی حکومت کی تشکیل تک بطور نگراں وزیر اعظم ذمہ داری سنبھالنے کی گزارش کی۔ مودی تیسری مدت کیلئے 8 جون کو وزیراعظم کا حلف اٹھائیں گے۔ اس سے پہلے وزیراعظم نے اتحادی جماعتوں جنتا دل یونائیٹڈ کے رہنما نتیش کمار اور تیلگو دیشم پارٹی کے سربراہ چندرا بابو نائیڈو سے ملاقات کی اور حکومت سازی کے امور پر تبادلہ خیال کیا۔
ادھر انڈیا بلاک کا اجلاس بھی کانگریس رہنما کھڑگے کی رہائش گاہ پر ہوا جس میں حکومت سازی کے امور پر بات چیت کی گئی۔ میڈیا رپورٹ کے مطابق انڈیا بلاک کی جانب سے بہار کے وزیراعلیٰ نتیش کمار کو نائب وزیراعظم سمیت کئی پیشکش کی گئی ہیں۔
