بھارتی وزیر اعظم کی عوام سے غیر ملکی اشیا کے بائیکاٹ کی اپیل

نئی دہلی : بھارتی وزیراعظم نریندر مودی نے عوام سے غیر ملکی اشیا کے بائیکاٹ کی اپیل کردی۔ نریندر مودی نے عوام کو مخاطب کرتے ہوئے کہا ہے کہ ہم روز مرہ زندگی میں بہت سی چیزیں باہر سے خریدتے ہیں، جن سے ہمیں کوئی خاص وابستگی نہیں ہے۔ ہمیں ان مصنوعات سے نجات حاصل کرنا ہوگی اور اپنی گھریلو صنعت پر بھروسہ بڑھانا ہوگا۔ انہوں نے امریکا کا نام لیے بغیر مزید کہا کہ ہمیں ایسی مصنوعات خریدنی چاہییں جو انڈیا میں بنتی ہیں۔ نریندر مودی نے دکانداروں سے بھی کہا کہ وہ انڈیا میں بنی اشیا کو بیچنے پر توجہ دیں۔ انہوں نے دلیل دی کہ اس سے ملک کی اقتصادی ترقی کو فروغ ملے گا۔ بلکہ روزگار کے نئے مواقع بھی پیدا ہوں گے۔ اس موقع پر وزیراعظم مودی نے تقریباً 375 مصنوعات پر جی ایس ٹی ریٹ میں کمی کا اعلان کیا۔ اس فیصلے کے بعد خوراک اور روزمرہ استعمال کی کئی اشیاء کی قیمتیں کم ہو جائیں گی۔