Raza Musani 
جدہ: اسلامی تعاون تنظیم نے ہندوستان سے جموں وکشمیر میں پانچ اگست 2019 اور اس کے بعد کئے گئے غیر قانونی اقدامات منسوخ کرنے کا مطالبہ کیا ہے۔جدہ میں او آئی سی سیکرٹریٹ سے جاری بیان میں کشمیریوں کے حق خود ارادیت کی جدوجہد میں ان کے ساتھ یکجہتی کی تجدید کی گئی۔ او آئی سی کا کہنا ہے کہ جموں و کشمیر کی بین الاقوامی سطح پر تسلیم شدہ حیثیت کی یک طرفہ تبدیلی کے 4 سال بعد بھی علاقے کی صورتحال پر بدستور تشویشناک ہے۔ بیان میں عالمی برادری سے بھی مطالبہ کیا گیا ہے کہ مسئلہ کشمیر اقوام متحدہ کی متعلقہ قراردادوں کے مطابق حل کروانے کی کوششیں تیز کی جائیں۔ او آئی سی نے اپنے اجلاسوں میں کشمیر میں انسانی حقوق کی خلاف ورزیاں بند کرنے کے مطالبات کا بھی اعادہ کیا۔
