بھارت: مراد آباد میں گھر میں نماز جماعت ادا کرنے پر مقدمہ درج

حیدرآباد : بھارتی ریاست حیدرآباد دکن کے شہر مراد آباد میں پولیس نے گھر میں نماز جمعہ ادا کرنے پر مقدمہ درج کرلیا۔ مراد آباد کے چھاجلیٹ پولیس تھانہ حدود میں دیگر علاقوں سے بڑی تعداد میں لوگ نماز کے لیے جمع ہوئے، وہاں کوئی مسجد نہیں اور مسلمانوں کے صرف دو گھر ہیں۔ پولیس نے شکایت کے بعد دونوں گھروں کے مالکان کے خلاف مقدمہ درج کر لیا جبکہ ان گھروں کے مالکان روپوش ہیں اور تحقیقات جاری ہیں۔ لوگوں کی اتنی بڑی تعداد کے مسجد کے بجائے گھر میں نماز ادا کرنے کے بعد پولیس کو شکایت کی گئی تھی۔ آل انڈیا مجلس اتحاد المسلمین کے صدراور رکن پارلیمنٹ اسد الدین اویسی نے وزیر اعظم نریندر مودی سے سوال کیا ہے کہ کیا اب انڈیا کے مسلمانوں کو گھر پر نماز پڑھنے کے لیے بھی انتظامیہ سے اجازت لینا پڑے گی۔ نریندر مودی کو اس کا جواب دینا چاہیے، کب تک ملک کے مسلمانوں کے ساتھ دوسرے درجے کے شہری جیسا سلوک کیا جائے گا؟۔