Raza Musani 
ریاض : سعودی عرب نے یمن اسرائیل تنازعہ پر امریکا سے دوری اختیار کرلی۔ اسرائیلی اخبار ہیرٹز نے انکشاف کیا کہ فلسطین کی حمایت میں انصار اللّٰہ کی کارروائیاں بحیرہ احمر میں امریکا کیلئے درد سر بنی ہوئی ہیں۔ اسرائیل جانیوالے بحری جہازوں کو روکنے کے بڑھتے واقعات سے امریکہ سخت پریشان ہے۔ امریکا سمجھتا ہےکہ ان واقعات کی روک تھام کیلئے کسی بھی موقع پر طاقت کا استعمال کرنا پڑے گا جبکہ سعودی عرب مسلسل امریکا کو تحمل کی تلقین کررہا ہے ۔رپورٹ کے مطابق سعودی عرب یمن سے تعلقات بگاڑنا نہیں چاہتا کیونکہ اگر سعودی عرب امریکا اور اسرائیل کے ساتھ مل کر کارروائی کرتا ہے تو یمنی حوثی پھر سعودی اہداف کو نشانہ بنائیں گے ۔ دوسری جانب یمن پر حملہ ایران اور امریکا کو بھی مدمقابل لے آئے گا ۔انہی وجوہات کے سبب سعودی عرب بحیرہ احمر میں امریکا کیساتھ تعاون سے گریز کررہا ہے۔
