Raza Musani 
غزہ میں جنگ بندی کا نفاذ ہوتے ہی فلسطینیوں نے شمالی علاقوں میں واپسی شروع کردی ہے۔ اسرائیلی حکومت کی جانب سے امن منصوبے کی توثیق کے بعد اسرائیلی فوج معاہدے میں مقرر یلو لائن تک پیچھے ہٹ گئی ہے۔
قبل ازیں اسرائیلی وزیراعظم بین یامین نیتن یاہو کی زیرصدارت کابینہ کے اجلاس میں معاہدے پر ووٹنگ ہوئی، جس میں زیادہ تر وزراء نے معاہدے کے حق میں ووٹ دیا۔ قومی سلامتی کے وزیر ایتمار بن گویر اور وزیر خزانہ بیزالیل اسموٹرچ سمیت پانچ وزرا نے مخالفت میں ووٹ دیا۔
غزہ کی سول ڈیفنس نے شہریوں کو خبردار کیا ہے کہ وہ سرحدی علاقوں یا اسرائیلی فوج کی موجودگی والی جگہوں کے قریب نہ جائیں۔ انتباہ کی خلاف ورزی جان کے لیے خطرہ بن سکتی ہے۔ انتباہ کے باجود شمالی علاقوں کے بے گھر افراد نے جنوبی علاقوں سے واپسی کا سفر شروع کردیا ہے اور سڑکوں پر گاڑیوں اور پیدل چلنے والوں کی قطاریں لگی ہوئی ہیں۔
