یرغمالیوں کی رہائی کیلئے آپریشن کیا تو سب کو ماردیں گے، حماس

غزہ : حماس کے عسکری ونگ القسام بریگیڈ نے اسرائیل کو خبردار کیا ہے کہ اگر اس نے یرغمالیوں کو رہا کرانے کی فوجی آپریشن کی کوشش کی تو انہیں ہلاک کر دیا جائے گا. القسام بریگیڈ کا کہنا ہے اسے اطلاعات موصول ہوئی ہیں کہ اسرائیلی فوج نصیرات میں ماہ جون میں کیے گئے آپریشن کی طرز پر ایک اور آپریشن کرنے کی تیاری کر رہی ہے۔ ہم خبردار کرتے ہیں کہ ایسا کوئی آپریشن دوبارہ کرنے کی کوشش کی گئی تو ان یرغمالیوں کو موت کی نیند سلا دیا جائے گا۔ القسام بریگیڈ نے یہ بھی کہاکہ یہ پروا نہیں کی جائے گی کہ اس کے بعد کیا ہوتا ہے۔ لیکن یہ ضرور کہیں گے کہ اگر یرغمالیوں کی جان گئی تو ذمہ دار اسرائیل اور اس کی فؤج ہو گی۔
ادھر اسرائیلی فوج نے چار ماہ کی تحقیقات کے بعد غزہ میں چھ یرغمالیوں کی ہلاکت کی وجوہات اور نتائج جاری کردئے۔ اسرائیلی فوج نے اپنے بیان میں تسلیم کیا ہے کہ اگست میں جن چھ یرغمالیوں کی لاشیں غزہ سے نکالنے میں کامیابی ملی تھی وہ اسرائیلی فوج کی اپنی ہی بمباری سے ہلاک ہوئے تھے۔