اسرائیلی جارحیت کو نہ روکا تو سنگین نتائج نکلیں گے، سعودی وزیرخارجہ

نیویارک: سعودی وزیرِ خارجہ شہزادہ فیصل بن فرحان آل سعود نے خبردار کیا ہے کہ اسرائیلی جارحیت کو روکنے میں ناکامی کے سنگین نتائج برآمد ہوں گے۔
اقوامِ متحدہ کی جنرل اسمبلی سے خطاب میں شہزادہ فیصل بن فرحان نے کہا کہ عالمی برادری کو فوری اور فیصلہ کن اقدامات کرنا ہوں گے تاکہ اسرائیلی جارحیت کا خاتمہ کیا جا سکے۔ انہوں نے متنبہ کیا کہ اگر یہ سلسلہ نہ رکا تو نہ صرف خطہ بلکہ پوری دنیا مزید عدم استحکام اور بدامنی کا شکار ہو گی، جبکہ جنگی جرائم اور نسل کشی میں بھی اضافہ ہوگا۔ انہوں نے عالمی طاقتوں پر زور دیا کہ وہ اپنی ذمہ داریاں پوری کرتے ہوئے اسرائیل کے خلاف مؤثر اقدامات کریں تاکہ انسانی المیے کو مزید بڑھنے سے روکا جا سکے۔ انہوں نے کہا کہ اسرائیل کو نہ روکا گیا تو اس کے سنگین نتائج خطے اور دنیا بھر میں مزید عدم استحکام اور بدامنی کو جنم دیں گے۔ انہوں نے کہا کہ اس ناکامی سے نہ صرف جنگی جرائم بڑھیں گے بلکہ نسل کشی کے واقعات میں بھی اضافہ ہوگا۔