لوگوں کو جینا ہے تو اُن سے جڑ جائیں جو مرے نہیں ہیں، علامہ شہنشاہ نقوی

کراچی : معروف عالم دین علامہ سید شہنشاہ حسین نقوی نے کہا ہے کہ کربلا وہ آفاقی تحریک ہے جو رہتی دنیا تک جاری رہے گی اور شاہ شہیدان کربلا حضرت امام حسینؑ ہر اہل حق کے دل میں تاقیامت منور رہیں گے، لوگوں کو اگر جینا ہے تو اُن سے جڑ جائیں جو مرے نہیں ہیں، جو امام مظلومؑ سے آخر وقت تک جڑے رہے وہ بھی حیات جاوداں پاگئے، نشتر پارک میں مرکزی عشرہ محرم کی تیسری مجلس سے خطاب کرتے ہوئے علامہ شہنشاہ نقوی نے کہا کہ شہادت کے 14 سو سال بعد بھی امام حسینؑ کے ذکر میں اتنے بڑے بڑے اجتماعات صرف پاکستان ہی میں نہیں پوری دنیا میں ان کی حیات ابدی کا منہ بولتا ثبوت ہیں۔