بھوک غزہ کے بچوں کی نشوونما میں رکاوٹ بنے گی، اقوام متحدہ

جنیوا : اقوام متحدہ کے ادارے اوچا نے کہا ہے کہ اسرائیل کی طرف سے غزہ پر مسلط غذائی قلت مستقبل میں بچوں کی نشوونما میں رکاوٹ بنے گی۔ اوچا نے ایک بیان میں کہا ہے کہ غزہ میں قحط کی صورتحال کے غزہ کے بچوں پر دیرپا اثرات مرتب ہو سکتے ہیں۔ غذائی امداد کیلئے کام کرنے والے شراکت داروں نے متنبہ کیاہےکہ خوراک کی شدید قلت لوگوں کے زندہ رہنے کے امکانات کو متاثر کرتی رہتی ہے۔ بیان میں کہا گیا ہےکہ جیسے جیسے غذائی قلت کی سطح میں اضافہ ہو رہا ہے۔ بچوں کے مدافعتی نظام کے کمزور ہونے کا امکان زیادہ ہوتا ہے۔ جس کے مستقبل میں بچوں کی نشوونما پر اثرات مرتب ہوں گے۔