Raza Musani 
غزہ : غزہ میں بھوک۔ جبری انخلاء اور محاصرے کے باعث انسانی بحران مزید گہرا ہوگیا ہے۔ چوبیس گھنٹوں کے دوران اسرائیلی بمباری میں مزید پچھتر فلسطینی شہید کردئے گئے۔ جن میں امداد کے متلاشی سترہ افراد بھی شامل ہیں۔
صیہونی فوج نے غزہ میں چوبیس گھنٹوں کے دوران خیموں اور رہائشی مقامات پر وحشیانہ حملے کئے۔ اسرائیلی حملوں میں شمالی غزہ میں 30۔ وسطی پٹی میں 20 اور جنوبی پٹی میں 20 فلسطینی شہید ہوئے۔ لڑاکا طیاروں نے غزہ سٹی کی فہمی بیک اسٹریٹ پر لوگوں کے ایک گروپ کو نشانہ بنایا جس میں ایک بچی سمیت پانچ افراد شہید اور دیگر زخمی ہوئے۔ اسرائیلی توپ خانے نے غزہ سٹی کے شمالی علاقے صفتاوی پر گولہ باری کی، جس میں سات شہریوں کی جانیں گئیں۔ خان یونس میں القارا بندرگاہ کے قریب اسرائیلی بمباری نے خیمے کو نشانہ بنایا، جس میں تین بچوں سمیت کواری خاندان کے چھ افراد شہید ہوگئے۔
