Raza Musani 
کرناٹک: ہندوستانی صوبے کرناٹک میں حجاب سے متعلق عدالتی فیصلے کے بعد سترہ ہزار طالبات نے اسکول جانا چھوڑ دیا ہے۔ ہائی کورٹ کے فیصلے پرسپریم کورٹ میں جاری سماعت کے دوران درخواست دہندہ کے وکیل حذیفہ احمدی نے یہ معلومات فراہم کیں۔ انھوں نے کہا کہ یہ ڈراپ آؤٹ حجاب پر پابندی کے بعد ہی دیکھنے کو ملا ہےاور اس بات کے شواہد موجود ہیں کہ حجاب پر پابندی کا اثر مسلم طالبات کی تعلیم پر پڑنا شروع ہو گیا ہے۔ انہوں نے انسانی حقوق کی تنظیم کی رپورٹ کا حوالہ دیا کہ 17 ہزار طالبات نے ڈراپ آؤٹ کیا اور وہ امتحان میں بھی نہیں بیٹھ پائیں ۔۔
