حزب اللہ کا اسرائیلی فوجی اڈے پر راکٹ حملہ، ایک اسرائیلی ہلاک، متعدد زخمی

بیروت : حزب اللہ نے اسرائیلی علاقے شتولہ میں فوجی اڈے پر راکٹ داغ دئے۔ حملے میں ایک اسرائیلی شہری ہلاک اور کئی زخمی ہوگئے۔ حزب اللہ نے کہاکہ صحافیوں کو نشانہ بنانے والے اسرائیلی حملوں کے جواب میں اس کے فوجی اڈے کو نشانہ بنایا۔ صیہونی فوج نے حزب اللہ کے راکٹ حملے کے جواب میں اس کے ٹھکانوں کو توپ خانے سے نشانہ بنایا۔ ادھر حماس نے تصدیق کی ہے کہ اسرائیلی فائرنگ سے لبنان میں گھسنے کی کوشش کے دوران اس کے تین جنگجو مارے گئے۔
اس سے پہلے صیہونی جنگی طیاروں نے ایک بار پھر شام کے شہر حلب پر فضائی حملہ کرکے ایئرپورٹ کے رن وے کو دوبارہ تباہ کردیا۔ رن وے ہفتے کو تعمیر نو کے بعد کھولا گیا تھا۔ گزشتہ جمعرات کو اسرائیلی طیاروں نے رن وے کو تباہ کردیا تھا۔