Raza Musani 
دوحہ : حماس کےسینئر رہنما موسی ابو مرزوق نے اعلان کیا ہےکہ خود مختار فلسطینی ریاست کے قیام کے بعد حماس اپنا اسلحہ اور مزاحمتی نظام ریاستی اداروں کے حوالے کر دے گی۔
قطر کے نشریاتی ادارے الجزیرہ سے گفتگو میں موسی ابو مرزوق نے کہا کہ غزہ کا مستقبل صرف حماس نہیں بلکہ پوری فلسطینی قوم کا مسئلہ ہے، اور تمام فیصلے اجتماعی طور پر کیے جائیں گے۔ فیصلہ تمام فلسطینی دھڑوں کی مشاورت سے ہونا چاہیے۔ انہوں نے کہا کہ حماس نے امریکی صدر ڈونلڈ ٹرمپ کے امن منصوبے کے بنیادی نکات کو تسلیم کر لیا ہے، تاہم اس پر عملدرآمد کے لیے تفصیلی مذاکرات ضروری ہیں. انہوں نے واضح کیا کہ آئندہ حکومت کے قیام کے بعد اسلحہ ریاستی اداروں کو منتقل کیا جائے گا اور قومی اتفاق رائے کے تحت فلسطینی قیادت تمام فیصلے بین الاقوامی قوانین کے مطابق کرے گی۔
