Raza Musani 
دوحہ: حماس نے امریکی جنگ بندی کی تجویز پر اپنا جواب جمع کرادیا جس میں غزہ میں مکمل جنگ بندی اور اسرائیلی فوج کے مکمل انخلا کا مطالبہ کیا گیا ہے۔ حماس کی جانب سے جاری بیان میں کہاگیاہےکہ اس نے جو تجویز دی ہے وہ مستقل جنگ بندی، غزہ کی پٹی سے مکمل انخلا اور ہمارے عوام وخاندانوں کے لیے امداد کی فراہمی کو یقینی بنانے کا مقصد رکھتی ہے۔ حماس نے کہاہے کہ اس کا جواب حتمی نہیں ہے بلکہ یہ ردعمل قومی مشاورت کے ایک دور کے بعد دیا گیا ہے ۔ یہ جواب فلسطینی عوام کے مصائب کے تئیں اس کی ذمہ داری کی عکاسی کرتا ہے۔ تاہم امریکا کے خصوصی مندوب اسٹیو وٹکوف نے کہا ہے کہ جنگ بندی کی پیشکش پر حماس کا ردعمل ناقابل قبول ہے، حماس کو جنگ بندی تجویز کو قبول کرنا چاہیے۔
