اسرائیلی دعوی مسترد، اسپتال پر حملے میں ہمارا کوئی کارکن شہید نہیں ہوا، حماس

غزہ : حماس نے اسپتال پر دہرے حملے سے متعلق اسرائیلی وضاحت مسترد کردی۔ جبکہ اقوام متحدہ نے حملے کی مکمل تحقیقات کا مطالبہ کیا ہے۔
حماس نے ایک بیان میں کہاکہ ناصر اسپتال پر اسرائیلی حملے میں شہید اکیس افراد میں سے کوئی بھی حماس کا رکن نہیں تھا۔ اسرائیل ان چھ مزاحمت کاروں کے نام سامنے لائے جنہیں وہ اسپتال میں شہید کرنے کا دعویٰ کررہا ہے۔حماس جن دو فلسطینیوں کی شہادت کا دعوی کررہا ہے ان میں سے ایک المواصی اور دوسرا خان یونس میں شہید ہوا۔ دونوں مقامات اسپتال سے بہت دور ہیں۔
اقوام متحدہ نے اسرائیل پر زور دیا ہے کہ وہ اسپتال پر حملے کی تحقیقات کے حقیقی نتائج سامنے لائے۔ اقوام متحدہ کے انسانی امور کے رابطہ دفتر کے ترجمان ثمین الخیطان نے کہا کہ انصاف کا تقاضا ہے کہ سچ سامنے لایا جائے۔ غزہ میں مارے گئے صحافیوں کی تعداد میڈیا کارکنوں کو نشانہ بنانے سے متعلق بہت سے سوالات کو جنم دیتی ہے۔ انہوں نے اس بات پر زور دیا کہ انصاف کی فراہمی ضروری ہے.