Raza Musani 
لاہور : ٹوکیو پیرا اولمپکس میں پاکستان کیلئے پہلا طلائی تمغہ حاصل کرنے والے حیدر علی کا وطن واپسی پر شاندار استقبال کیا گیا، وزیر کھیل پنجاب رائے تیمور بھٹی بھی ایئرپورٹ پہنچے اور حیدر علی کا استقبال کیا، اس موقع پر حیدر علی نے کہا کہ پاکستان کے لیے گولڈ میڈل جیتنا اعزاز ہے، گولڈ میڈل جیتنا خواب تھا، گھر پر رہ کر پانچ سال تک خود ٹریننگ کی، وبا کے دوران میدان بند تھے لیکن خواب پورا کرنے کے لیے ٹریننگ جاری رکھی۔
