Raza Musani 
نیویارک : اقوام متحدہ کے سیکریٹری جنرل انتونیو گوتریس نے کہا ہے کہ عالمی برادری فلسطین کے دو ریاستی حل کو زندہ رکھے اور ممکن بنانے کی کوشش کرے۔انتونیو گوتریس نے سلامتی کونسل کی قرارداد کے مسودے پر امریکی ویٹو پر مایوسی کا اظہار کیا۔ انہوں نے کہا کہ ماضی کی جنگ بندی میں ہم نے دیکھا کہ غزہ کے لوگوں کے لیے بڑے پیمانے پر انسانی امداد کو کیسے متحرک کرنا ممکن تھا۔انہوں نے کہا کہ ہم غزہ کے لوگوں کی مدد میں صرف اس صورت میں موثر ہو سکتے ہیں جب مستقل جنگ بندی ۔ یرغمالیوں کی غیر مشروط رہائی اور انسانی امداد کے لیے لامحدود رسائی ہو۔انہوں نے کہا کہ ہم کسی بھی جگہ اور کسی بھی حالت میں انسانی ہمدردی کے کام کرنے والوں، صحافیوں، طبی کارکنوں یا عام شہریوں کے قتل کو نئے معمول کے طور پر قبول نہیں کریں گے، استثنیٰ کی کوئی گنجائش نہیں ہونی چاہیے۔
