Raza Musani 
اسٹاک ہوم: معروف ماحولیاتی کارکن گریٹا تھنبرگ نے ساتھیوں سے مل کر غزہ کیلئے ایک بار پھر امداد لے جانے کی مہم شروع کردی۔سوئیڈن سے تعلق رکھنے والی نو عمر ماحولیاتی کارکن گریٹا تھنبرگ نے ایک ویڈیو بیان میں کہا ہے کہ غزہ کے لیے امداد کے ساتھ درجنوں کشتیاں اسپین سے روانہ کی جائیں گی۔ انہوں نے کہاکہ عالمی رضا کار اسپین کے علاوہ تیونس اور دیگر اہم بندرگاہوں سے بھی درجنوں امدادی کشتیاں لیکر غزہ جائیں گے۔انہوں نے مزید بتایا کہ ہم 44 سے زائد ممالک کو اس حوالے سے متحرک کرنے کی کوشش کر رہے ہیں۔ انہوں نے دعویٰ کیا کہ یہ سفر اسرائیل کی جانب سے غزہ پر 18 سال قبل نافذ کئے گئے خوفناک محاصرے کے بعد سے اب تک کی سب سے بڑی بین الاقوامی یکجہتی کی کوشش ہوگی۔
