Raza Musani 
غزہ : امریکی حمایت یافتہ متنازعہ امدادی تنظیم غزہ ہیومینٹیرین فاؤنڈیشن( جی ایچ ایف) نے غزہ میں ہیومینٹیرین ٹرانزٹ ایریاز کے نام سے کیمپ قائم کرنے کی سازشی تجویز دے دی۔
نیوز ایجنسی رائٹرز کے مطابق جی ایچ ایف نے سفارش کی ہے کہ غزہ کے اندر یا باہر کیمپ قائم کئے جائیں جہاں فلسطینیوں کو رکھا جائے اور ان کے اندر سے انتہا پسندی کو ختم کیا جائے۔ یہ تجویز فلسطینی علاقوں پر حماس کا کنٹرول ختم کرنے کی مجموعی حکمت عملی کا حصہ ہے۔ رائٹرز کے مطابق دو ارب ڈالر کا یہ منصوبہ ٹرمپ انتظامیہ کو پیش کیا گیا تھا اور حال ہی میں وائٹ ہاؤس میں اس پر تبادلہ خیال کیا گیا۔ منصوبے میں کیمپوں کو رضاکارانہ بیان کیا گیا ہے یا ایسی جگہ جہاں فلسطینی عارضی طور پر رہ سکتے ہیں۔ انتہا پسندی ختم کرکے دوبارہ ضم ہوسکتے ہیں ۔ اگر چاہیں تو نقل مکانی بھی کرسکتے ہیں۔
