جرمنی کا اسرائیل کو غزہ میں استعمال کیلئے اسلحہ دینے سے انکار

برلن : اسرائیل کے بڑے سرپرست جرمنی نے اسرائیل کو غزہ میں استعمال ہونے والا اسلحہ دینے سے انکار کر دیا۔
جرمن چانسلر فریڈرِک مرز کا کہنا ہے کہ جرمنی اسرائیل کو وہ عسکری سامان نہیں دے گا جو غزہ میں استعمال ہو سکتا ہے۔ انہوں نے غزہ سٹی پر قبضے کے اسرائیلی منصوبے سے متعلق کہا کہ یہ سمجھنا مشکل ہوتا جا رہا ہے کہ اسرائیلی فوجی کارروائی کس طرح جائز مقاصد حاصل کرے گی۔ اسرائیل کے دفاع کا حق اور حماس کے زیر حراست قیدیوں کی رہائی کی حمایت جاری کا اعادہ کرتے ہوئے جرمن چانسلر نے کہا کہ جرمنی اب شہریوں پر بڑھتے ہوئے نقصان کو نظر انداز نہیں کر سکتا۔ مرز نے اسرائیل پر زور دیا کہ وہ شہریوں کی مدد کے لیے اقوام متحدہ اور این جی اوز سمیت انسانی ہمدردی کے گروپوں کو مکمل اور مستقل رسائی کی اجازت دے۔