Raza Musani 
غزہ : صیہونی فوج نے غزہ میں بیس ماہ سے جاری نسل کشی کی جنگ کے سلسلے میں تازہ ترین حملوں میں مزید اکیس فلسطینی شہید اور کئی زخمی کردئے۔ چوبیس گھنٹوں میں شہدا کی تعداد سو تک جاپہنچی ہے۔ صیہونی فوج نے دیر البلاح میں اسکول میں قائم پناہ گاہ پر رات کے اندھیرے میں بمباری کردی جس سے خواتین اور بچوں سمیت گیارہ فلسطینی شہید اور کئی زخمی ہوگئے۔
خان یونس میں خیموں پر بمباری سے چھ افراد کی جان گئی۔ غزہ سٹی۔ جبالیہ اور بیت حنون میں بھی صیہونی فوج نے مظلوم فلسطینیوں کو اپنی درندگی کا نشانہ بنایا۔ اسرائیلی فوج نے شمالی غزہ کے العودہ اسپتال کا محاصرہ کرلیا ہے اور ٹینکوں سے اسپتال کی عمارتوں پر گولہ باری کی ہے.
ادھر اسرائیلی فوج نے تقریباً نوے امدادی ٹرکوں کو غزہ میں داخل ہونے کی اجازت دی ہے جس کے بعد وہ غزہ میں داخل ہونا شروع ہوگئے ہیں۔
