Raza Musani 
جنیوا: جنیوا میں انسانی حقوق کونسل کے ہیڈ کوارٹر کے باہر ہندوستان کے خلاف احتجاجی مظاہرہ کیا گیا۔ مظاہرے کا اہتمام کشمیری وفد اور تحریک کشمیر یورپ نے کیا تھا۔ مظاہرین نے بینرز اور پلے کارڈز اٹھا رکھے تھے جن پر بھارت کشمیر میں فوجی آپریشن بند
کرو، پیلٹ فائرنگ بند کرو اور کشمیری آزادی چاہتے ہیں جیسے نعرے درج تھے۔ مقررین نے مقبوضہ علاقے میں فوجی کارروائیوں کے متاثرین کے ساتھ یکجہتی کا اظہار کیا اور کشمیری سیاسی رہنماؤں، علما اور انسانی حقوق کے محافظوں کی بلا جواز نظربندی کی مذمت کی۔ انہوں نے عالمی برادری سے صورتحال کا نوٹس لینے کی اپیل کی۔اور کشمیری نظر بندوں کی رہائی کے لیے اپنا کردار ادا کرنے کا مطالبہ کیا۔
