بنگلہ دیش میں عام انتخابات آئندہ سال اپریل میں ہوں گے

ڈھاکا : بنگلہ دیش میں عبوری حکومت کے سربراہ محمد یونس نے کہا ہے کہ ملک میں عام انتخابات آئندہ سال اپریل میں ہوں گے۔ قوم سے خطاب میں محمد یونس نےکہاکہ ہم نے اصلاحات، انصاف اور انتخابات کے تین بنیادی مینڈیٹ پر کام کیا اور آئندہ برس تک نمایاں پیش رفت نظر آئے گی۔ انتخابات کے بارے میں تفصیلی روڈ میپ الیکشن کمیشن جلد فراہم کرے گا۔ انہوں نے کہا کہ حسینہ واجد کے دور کے بعد ملک کے جمہوری اداروں کی بحالی کے لیے وقت درکار ہے حکومت کی سب سے بڑی ذمہ داریوں میں سے ایک یہ ہے کہ وہ شفاف اور وسیع پیمانے پر حصہ لینے والے انتخابات کو یقینی بنائے تاکہ ملک بحران کے نئے مرحلے میں نہ گرے۔
معزول وزیراعظم شیخ حسینہ واجد کی جماعت بی این پی نے الیکشن کی تاریخ کو مسترد کردیا ہے پارٹی کے سیکریٹری جنرل مرزا فخر الاسلام عالمگیر نے کہا کہ محمد یونس کے اعلان سے نہ صرف ان کی جماعت بلکہ پوری قوم کو مایوسی ہوئی ہے۔ ہم نے ہمیشہ فوری انتخابات کا مطالبہ کیا ہے اور امید ہے کہ دسمبر تک ان کے انعقاد کی تاریخ کا اعلان کر دیا جائے گا۔