غزہ میں صحت کا نظام کسی بھی وقت بیٹھ جائے گا، ریڈ کراس

غزہ :انٹرنیشنل کمیٹی آف ریڈ کراس نے خبردار کیا ہے کہ غزہ میں صحت کی دیکھ بھال کا نظام انتہائی نازک ہوچکا ہے کسی بھی وقت یہ نظام بیٹھ جائے گا۔ ریڈ کراس نے ایک بیان میں کہا کہ اسرائیلی حملوں اور ناکا بندی کی وجہ سے اسپتالوں کو تحفظ اور امداد کی فوری ضرورت ہے۔ امدادی مراکز پر حملوں سے اموات کی شرح میں اضافے کی وجہ سے صحت کے نظام کو بڑھتے ہوئے دباؤ کا سامنا ہے۔ بیان میں کہاگیاہےکہ حملوں کی شدت چند فعال طبی سہولیات کو خطرے میں ڈال رہی ہے۔ لگاتارحملوں نے مریضوں کی تیزی سے منتقلی کو مشکل بنا دیا ہے۔بیان میں صحت کی دیکھ بھال کے بنیادی ڈھانچے اور اہلکاروں کے تحفظ پر زور دیتے ہوئے خبردار کیا ہے کہ فوری کارروائی نہ کی گئی تو مزید جانی نقصان ناگزیر ہے۔