غزہ جنگ، روسی صدر پیوٹن بھی سرگرم، کئی رہنماؤں سے رابطے

ماسکو: غزہ میں جنگ بندی کیلئے روسی صدر ولادیمر پیوٹن بھی سرگرم ہوگئے اور کئی رہنماؤں سے رابطے کئے۔
روسی صدر پیوٹن نے پہلی بار صیہونی وزیراعظم بنیامین نیتن یاہو سے ٹیلی فون پر بات چیت کی اور جنگ بندی۔ یرغمالیوں کی رہائی۔ غزہ میں امداد پہنچانے پر تبادلہ خیال کیا۔ پیوٹن نے فلسطینی صدر محمود عباس۔ مصر کے صدر السیسی کو بھی ٹیلی فون کیا اور کشیدگی میں کمی پر زور دیا۔ انہوں نے ایرانی ہم منصب ابراہیم رئسیی اور شامی صدر بشار الاسد کو بھی ٹیلی فون کرکے خونریزی رکوانے پر بات چیت کی۔ انہوں نے شہری ہلاکتوں پر تشویش کا اظہار کیا اور غزہ کے انسانی بحران کو تشویشناک قرار دیا۔ ادھر چینی سفیر برائے مشرق وسطیٰ بھی آئندہ ہفتے خطے کے ممالک کا دورہ کریں گے۔ تاہم یہ واضح نہیں کہ ان کی پہلی منزل کونسا ملک ہوگا۔