Raza Musani 
غزہ: اسرائیلی فوج نے العدوان اسپتال سے ڈائریکٹر سمیت طبی عملے کے ستر اہلکاروں پر مزاحمت کار ہونے کا الزام لگا کر انہیں گرفتار کرلیا۔ فلسطینی میڈیا کے مطابق العدوان اسپتال میں اسرائیلی فوج نے مریضوں پر فائرنگ کی جس سے متعدد افراد شہید ہوگئے۔ جب کہ غاصب فوج نے اسپتال کے ڈائریکٹر سمیت ستر اہلکاروں کو گرفتار کرلیا ہے۔ جن میں کچھ زخمی بھی ہوئے ہیں۔
فلسطینی وزارت صحت کے مطابق سات اکتوبر سے اب تک اسرائیلی فوج کی فائرنگ سے چالیس ڈاکٹرز سمیت نو سو سے زائد طبی اہلکار شہید ہوچکے ہیں۔ شہر کے صرف ایک تہائی اسپتال ہی فعال ہے دیگر اسپتال یا تو تباہ ہوچکے ہیں یا ان پر اسرائیلی فوج قابض ہے جو مریضوں کو علاج کی اجازت نہیں دے رہی ہے۔
