غزہ کو انسانوں کے بنائے ہوئے قحط کا سامنا ہے، انروا

جنیوا : اقوام متحدہ کی ایجنسی انروا نے خبردار کیا ہے کہ غزہ کو انسانوں کے بنائے ہوئے قحط کا سامنا ہے۔ ہم اپنی اجتماعی انسانیت کو کھونے کے بہت قریب ہیں ۔ انروا کی کمیونیکیشن ڈائریکٹر جولیٹ ٹوما نے سوشل میڈیا پلیٹ فارم ایکس پر ایک بیان میں کہا کہ غزہ میں قحط کو بڑی حد تک اقوام متحدہ کے مربوط انسانی نظام کو تبدیل کرنے کی دانستہ کوششوں کے ذریعے تشکیل دیا گیا ہے۔ یہ کام سیاسی مقاصد سے بنائی گئی غزہ ہیومینٹیرین فاؤنڈیشن کے ذریعے کیا گیاہے۔
انہوں نے کہاکہ ہمیں ایک متحد، اقوام متحدہ کی زیر قیادت بین الاقوامی انسانی قانون پر مبنی کوآرڈینیشن اور تقسیم کے نظام کی طرف واپس آنا چاہیے۔ انہوں نے اقوام متحدہ کی زیر قیادت انسانی امداد کے نظام کی واپسی کا مطالبہ کیا۔