Raza Musani 
لندن : اٹلی سے جاپان تک صیہونی ریاست اور نیتن یاہو کے بارے میں منفی خیالات انتہا کو پہنچ گئے۔عرب اور مسلم ممالک میں زیادہ تر لوگ دہائیوں سے اسرائیل کے بارے میں منفی سوچ رکھتے ہیں لیکن پیو ریسرچ سینٹر کے تازہ ترین سروے میں یورپ اور مشرقی ایشیا میں لوگوں نے اسرائیل کیخلاف بڑے پیمانے پر منفی رویوں کو ظاہر کیاہے۔ چوبیس ممالک میں کئے گئے سروے میں بیس ممالک کے بیشتر شہریوں نے اسرائیل سے نفرت کا اظہار کیا۔ اٹلی میں چھیاسٹھ فیصد جبکہ یونان، سویڈن اور اسپین میں ستر فیصد لوگوں کا اسرائیل کے بارے میں منفی نظریہ تھا۔ ہالینڈ میں یہ تعداد 78 فیصد تک تھی۔ پولینڈ میں باسٹھ۔ ہنگری میں تریپن۔ جاپان میں 80 اور جنوبی کوریا میں ساٹھ فیصد شہریوں نے اسرائیل کے بارے میں منفی رائے دی ۔
