Raza Musani 
پیرس: پابندی کے باوجود پیرس سمیت فرانس کے مختلف شہروں میں اسرائیل مخالف مظاہرے کئے گئے ۔خلاف ورزی پر پولیس نے مظاہرین پر دھاوا بول دیا۔ پیرس، بورڈیاکس اور للی سمیت کئی شہروں میں ہزاروں افراد سڑکوں پر آئے اور احتجاج ریکارڈ کرایا ۔ ایسے میں پولیس نے مظاہرین کیخلاف ایکشن لیا۔ مظاہرین کو آنسو گیس کی شیلنگ اور واٹرکینن سے منتشر کیا گیا۔فرانس سمیت کئی یورپی ممالک میں اسرائیل مخالف مظاہروں پر پابندی عائد کردی گئی ہے۔فلسطین کے حامی گروہوں نے اسے آزادی اظہار رائے پر حملہ قرار دیتے ہوئے مظاہرے جاری رکھنے کا اعلان کیا۔
دوسری جانب چاقو حملے کے بعد فرانس بھر میں سیکیورٹی ہائی الرٹ کردی گئی۔ واقعہ گزشتہ روز گمبیٹا ہائی اسکول میں پیش آیا حملے میں بیس سالہ طالب علم کے ہاتھوں ایک ٹیچر ہلاک اور دو افراد زخمی ہوئے فرانسیسی حکام اسے غزہ کی حالیہ صورتحال سے جوڑ رہے ہیں۔
