Raza Musani 
نیویارک : اقوام متحدہ کی سلامتی کونسل کے ہنگامی اجلاس میں پانچ مستقل ارکان میں سے چار ارکان نے غزہ پر قبضے کے اسرائیلی منصوبے کی مذمت کردی۔ روس، چین، برطانیہ اور فرانس نے اسرائیلی سکیورٹی کابینہ کے فیصلے کو مسترد کردیا جبکہ صرف امریکا نے اسرائیلی منصوبے کی حمایت کی۔
روس کے نائب مستقل نمائندے دمتری پولیانسکی نے فیصلے کو بین الاقوامی قانون کی سنگین خلاف ورزی قرار دیا اور کہاکہ اس سے بین الاقوامی برادری کی اپیلوں کی صریح بے توقیری ظاہر ہوتی ہے۔ چین کے مستقل نمائندے فو کانگ نے اسرائیل پر زور دیا کہ وہ اس خطرناک اقدام کو فوراً روک دے۔ غزہ فلسطینی عوام کا ہے یہ فلسطینی سرزمین کا اٹوٹ حصہ ہے۔
برطانوی نمائندے جیمز کیریوک نے کہا کہ فوجی کارروائیوں کو بڑھانے سے اس تنازعے کو ختم کرنے کے لیے کچھ نہیں ہو گا۔
