Raza Musani 
غزہ : غزہ کی مستقبل کی حکمرانی کے معاملے پر فلسطینی مزاحمتی دھڑوں نے واضح مؤقف اپناتے ہوئے کسی بھی غیر ملکی سرپرستی کو سختی سے مسترد کردیا ہے۔ حماس، اسلامی جہادِ فلسطین اور پاپولر فرنٹ نے اپنے مشترکہ بیان میں کہا ہے کہ غزہ کی انتظامی ڈھانچے اور اداروں کے مستقبل کا فیصلہ صرف اور صرف فلسطینی عوام کریں گے۔
تینوں دھڑوں نے مصر کے تعاون سے ایک جامع قومی اجلاس بلانے کا اعلان کیا ہے جو جنگ بندی کے بعد اگلا اہم مرحلہ ہوگا۔ اس اجلاس کا مقصد فلسطینی مؤقف کو متحد کرنا اور قومی اداروں کی از سرِ نو تشکیل کے لیے عملی اقدامات طے کرنا ہے۔ بیان میں زور دیا گیا کہ موجودہ مرحلہ غزہ میں سماجی یکجہتی کو مضبوط کرنے اور تمام فلسطینی قوتوں کے درمیان ایک متحد سیاسی راستہ اختیار کرنے کا موقع فراہم کرتا ہے۔مزاحمتی دھڑوں نے تعمیرِ نو اور ترقی کے عمل میں عرب و بین الاقوامی شمولیت کا خیرمقدم کرنے کا عندیہ دیا۔
