Raza Musani 
واشنگٹن : امریکا نے حماس اور عوامی محاذ برائے آزادی فلسطین کی معاونت کے الزام میں پانچ شخصیات اور پانچ خیراتی اداروں پر پابندی عائد کردی۔ امریکی ڈپٹی ٹریژری سیکریٹری مائیکل فالکنڈر نے ایک بیان میں کہا ہے کہ یہ کارروائی خیراتی شعبے کو حماس اور پی ایف ایل پی جیسے دہشت گردوں کے غلط استعمال سے روکنے کی اہمیت کو واضح کرتی ہے جو اپنے دہشت گردوں اور فوجی کارروائیوں کی مالی اعانت کیلئے جعلی خیراتی اداروں کا فائدہ اٹھاتے ہیں۔ انہوں نے کہاکہ امریکا دہشت گرد عناصر کو غزہ میں انسانی صورت حال کا استحصال کرنے سے روکنے کے لیے تمام دستیاب وسائل کا استعمال جاری رکھے گا۔
جن تنظیموں اور شخصیات پر پابندی لگائی گئی ہے ان میں فلسطین وکفی اور اس کے سربراہ ذکی عبداللہ ابراہیم۔ نیدرلینڈ میں قائم اسرا چیریٹیبل فاؤنڈیشن اور اٹلی میں قائم ایسوسی ایشن بینیفیکا لا کپولا ڈی اورو اور غزہ کی ال ویام چیریٹیبل سوسائٹی شامل ہیں۔
