امدادی کیمپ پر پھر فائرنگ، صبح سے جاری حملوں میں 66 فلسطینی شہید، درجنوں زخمی

غزہ : صیہونی فوج نے ایک بار پھر امدادی کیمپ کے قریب بھوکے متاثرین کی لاشیں گرادیں۔ صبح سے جاری حملوں میں شہدا کی تعداد چھیاسٹھ تک جاپہنچی۔
خان یونس میں فلسطینی مزاحمت کاروں کے حملے میں چار اسرائیلی فوجی مارے گئے۔
ادھر رفح سے تھائی نژاد ایک اور یرغمالی کی لاش مل گئی۔ رفح میں صیہونی فوج نے امریکی واسرائیلی حمایت یافتہ تنظیم کے امدادی کیمپ پر امداد کے متلاشی متاثرین پر گولیاں برسادیں۔ فائرنگ سے آٹھ افراد موقع پر ہی دم توڑ گئے۔
صیہونی فوج نے جبالیہ کے مختلف علاقوں سے انخلا کا حکم دے دیا ہے۔غزہ سٹی کے علاقے صابرہ پر وحشیانہ حملے میں خواتین اور بچوں سمیت پندرہ فلسطینی شہید اور پچاس سے زائد زخمی ہوگئے۔