Raza Musani 
بیروت : جنوبی لبنان کی سرحد پر بھی شدید لڑائی چھڑ گئی۔ صیہونی حملے میں تین افراد شہید اور کئی زخمی ہوگئے۔ حماس اور اسرائیل میں جنگ بندی ختم ہوتے ہی جنوبی لبنان کا محاذ بھی گرم ہوگیا۔ حزب اللہ نے سرحد پر متعدد اسرائیلی فوجیوں کو نشانہ بنایا ہے۔ جبکہ چوکیوں پر راکٹ داغے اور گولہ باری کی۔ اسرائیل کےسرحدی قصبوں میں دن بھر راکٹوں کے گرنے کے خدشہ سے سائرن گونجتے رہے۔ حزب اللہ نے کہا ہے کہ اس نے مناسب ہتھیاروں کے ساتھ جل العلام اور المرج کے دو مقامات پر رامیہ بیرکوں اور اسرائیلی فورسز کے مراکز کو نشانہ بنایا ہے۔
دوسری جانب قابض فوج نے ڈریماس قصبے پر بمباری کی۔ صیہونی حملوں میں تین افراد شہید اور کئی زخمی ہوگئے۔ حزب اللہ کے نمائندے حسن فضل اللہ نے کہا ہے کہ لبنانی سطح پر ہم اسرائیلی چیلنج کا مقابلہ کرنے، چوکنا رہنے اور لبنان کو درپیش کسی بھی خطرے کا مقابلہ کرنے کے لیے ہمیشہ تیار ہیں۔
