Raza Musani 
بغداد: عراق میں پارلیمنٹ کی تحلیل کے خدشہ کے پیش نظر بعض سیاسی دھڑوں کی جانب سے پارلیمنٹ کا اجلاس بلانے کے مطالبات شدت اختیار کرگئے ہیں۔سابق وزیراعظم نوری المالکی کی زیرقیادت دولت قانون کے سینیئر رہنما زھیر الجبلی نے کہا ہے کہ عالمی برادری غیر قانونی طریقے سے پارلیمنٹ تحلیل کرنے کے حق میں نہیں ہے۔ ارکان پارلیمنٹ کسی مناسب اور محفوظ مقام پر پارلیمنٹ کا اجلاس بلانا چاہتے ہیں ۔پارلیمنٹ کے رکن رفیق الصالحی نے بھی کہا ہے کہ پارلیمانی دھڑے جلد ہی اجلاس بلانے کی کوشش کر رہے ہیں۔ ہم اس اقدام سے پیچھے نہیں ہٹیں گے اور ایسا کرنے کے لیے لازمی سیاسی حمایت پہلے سے موجود ہے۔ پارلیمنٹ عنقریب دوبارہ کام شروع کرے گی 180 ارکان کی درخواست کے بعد بورڈ آف گورنرز کے پاس پارلیمنٹ کا اجلاس بلانے کے سوا کوئی چارہ نہیں ہے۔
