Raza Musani 
غزہ : بچوں کی فلاح کے لئے کام کرنے والے اقوام متحدہ کے ادارے یونیسیف نے خبردار کیا ہےکہ اگر قبل از وقت پیدا ہونیوالے بچوں کو غزہ سے نہ نکالا گیا تو بڑے پیمانے پر جانی نقصان ہو سکتا ہے۔
یونیسیف نے ایک بیان میں خبردار کیا کہ غزہ سٹی کے اسپتالوں میں محصور بیمار اور نوزائیدہ بچوں کے فوری انخلا کی ضرورت ہے۔ یونیسف نے اس بات پر زور دیا کہ نوزائیدہ بچوں کے یونٹس جنگ زدہ علاقوں میں انتہائی حساس ہوتے ہیں، خاص طور پر جب بجلی، آکسیجن اور طبی عملے تک رسائی محدود ہو۔غزہ سٹی کے نوزائیدہ بچوں کے یونٹس سے کم از کم 25 نازک حالت والے اور قبل از وقت پیدا ہونے والے بچوں کے فوری انخلاء ضروری ہے۔ یونیسف کے ترجمان ریکارڈو پیرس نے کہا ہے کہ غزہ سٹی میں نوزائیدہ بچوں کی تعداد انکیوبیٹروں سے زیادہ ہے اور بعض اوقات ایک ہی انکیوبیٹر میں چار بچے رکھے جا رہے ہیں، جبکہ اسرائیل نے مزید انکیوبیٹروں کی درآمد کی درخواستیں مسترد کر دی ہیں۔
