غزہ میں قحط اسرائیلی اقدامات کا نتیجہ ہے، سلامتی کونسل

نیویارک: امریکہ کے علاوہ اقوام متحدہ کی سلامتی کونسل کے تمام چودہ اراکین نے اعلان کیا ہے کہ غزہ میں قحط اسرائیلی اقدامات کا نتیجہ ہے اور اسے انسانی بحران قرار دیا ہے۔
غزہ کی صورتحال پر سلامتی کونسل کے پندرہ میں سے چودہ ارکان نے مشترکہ بیان میں اسرائیل سے مطالبہ کیا ہے کہ وہ غزہ میں اپنی فوجی کارروائی میں مزید توسیع بند کرے۔ امریکا نے اسرائیل کی مکمل حمایت کا اعادہ کرتے ہوئے مشترکہ بیان پر دستخط نہیں کئے ۔ بیان میں کہا گیاہے کہ جنگ کے ہتھیار کے طور پر بھوک کا استعمال بین الاقوامی انسانی قانون کے تحت ممنوع ہے۔ بیان میں غزہ میں فوری اور غیر مشروط مستقل جنگ بندی اور انکلیو میں قید اسیروں کی رہائی کا مطالبہ کیا۔ ارکان نے اسرائیل سے فوری اور غیر مشروط طور پر غزہ میں امداد کی ترسیل پر عائد تمام پابندیاں اٹھانے کا مطالبہ کیا ہے۔