غیر قانونی مقیم افراد کا پاکستان سے انخلاء کا عمل جاری

پشاور: غیر قانونی مقیم افراد کے انخلا کا عمل جاری ہے، طور خم بارڈر سے مزید 5085 غیرقانونی مقیم افرد کو افغانستان بھیج دیا گیا۔
محکمہ داخلہ کے مطابق غیرقانونی مقیم 829 خاندان طور خم بارڈر سے افغانستان بھیجے گئے، جن میں 1403 مرد، 1394 خواتین اور 2122 بچے شامل ہیں، اب تک مجموعی طور پر 189259 غیر قانونی مقیم افراد کو افغانستان بھیجا جا چکا ہے۔
محکمہ داخلہ نے مزید بتایا کہ مجموعی طور 13327 خاندان، 53327 مردوں، 40976 خواتین اور 94956 بچوں کو واپس بھیجا گیا ہے۔