Raza Musani 
برسلز: یورپی کمیشن نے غزہ جنگ کے تناظر میں اسرائیل کے ساتھ تجارتی معاہدے کی بعض شقیں معطل کرنے کی تجویز پیش کردی۔
یورپی یونین کی خارجہ پالیسی چیف کاجا کیلس نے رکن ممالک سے کہا ہے کہ وہ اسرائیلی مصنوعات پر محصولات بڑھائیں اور حماس کے دس رہنماؤں، آبادکاروں، اور نیشنل سیکیورٹی وزیر اتمار بن گوئر اور وزیر خزانہ بیزالیل اسموٹریچ پر پابندیاں لگائیں۔ یورپی کمیشن نے مشورہ دیا کہ غزہ میں جنگ کی وجہ سے اسرائیلی مصنوعات سے متعلق آزاد تجارتی معاہدوں کو معطل کیا جائے۔
یورپی کمیشن کے مطابق اسرائیلی جارحیت یورپی یونین اسرائیل ایسوسی ایشن معاہدے کے انسانی حقوق اور جمہوری اصولوں کے احترام کو لازمی قرار دینے والے آرٹیکل 2 کی خلاف ورزی ہیں۔ کمیشن نے مغربی کنارے میں ای ون پلان کو دو ریاستی حل کیلئے خطرہ قرار دیا تاہم یورپی یونین میں اسرائیل پر پابندیوں کے معاملے پر اختلاف برقرار ہے۔
