یورپ غزہ میں نسل کشی روکنے کی کوشش نہیں کررہا ہے، اسپین

میڈرڈ : ہسپانوی وزیر اعظم پیڈرو سانچیز نے اسرائیل پر فلسطین میں نسل کشی کا الزام لگاتے ہوئے کہاہےکہ یورپ اسے روکنے کی بھرپور کوشش نہیں کر رہا ہے۔ پارلیمنٹ سے خطاب میں پیڈرو سانچیز نے صیہونی وزیر اعظم بنیامین نیتن یاہو کی حکومت پر تنقید کرتے ہوئے کہا کہ اس کے اقدامات کو اکیس ویں صدی کی تاریک ترین اقساط میں سے ایک کے طور پر یاد رکھا جائے گا۔ انہوں نے کہا کہ جو کوئی بھی یورپی یونین کے اساسی اصولوں کو پامال کرتا ہے یا جو بھوک اور جنگ کو ایک جائز ریاست کو ختم کرنے کے لیے استعمال کرتا ہے یورپی یونین کا پارٹنر نہیں ہو سکتا۔ انہوں نے مزید کہا کہ ملبے تلے اپنے خاندانوں کو تلاش کرتے یا بھوک سے مرتے بچوں کی خوفناک تصاویر سے نہ صرف ہمیں متاثر اور شرمسار ہونا چاہیے بلکہ انہیں عالمی برادری اور خاص طور پر یورپ کو عملی اقدامات پر مجبور کرنا چاہیے۔ انہوں نے انسانی حقوق کی پامالی کے واضح اشاروں کے باجود یورپی یونین اسرائیل کیخلاف عملی اقدامات سے گریزاں ہے۔