Raza Musani 
لندن : برطانیہ، فرانس اور جرمنی نے اقوام متحدہ کو آگاہ کیا ہے کہ اگر مذاکرات کے ذریعے حل اگست کے آخر تک نہ نکلا تو وہ ایران پر دوبارہ تمام عالمی پابندیاں عائد کرنے کے لیے تیار ہیں۔ ای تھری ممالک کے وزرائےخارجہ نے اقوام متحدہ کے سربراہ انتونیو گوتریس کے نام مشترکہ خط میں واضح کیا ہےکہ اگر ایران 31 اگست تک سفارتی حل پر راضی نہ ہوا یا دی گئی مہلت سے فائدہ نہ اٹھایا تو ٹریگر میکنزم فعال کر دیا جائے گا۔جس کے تحت تمام بین الاقوامی پابندیاں بحال ہو جائیں گی۔ انہوں نے اس بات پر بھی زور دیا کہ وہ ایران کے جوہری بحران کے حل کے لیے مکمل طور پر پرامن اور مذاکراتی راستہ اپنانے کے حامی ہیں اور بات چیت جاری رکھیں گے۔
ادھر ایرانی نائب صدر محمد رضا عارف نےکہاہےکہ حالات مناسب ہوں تو ایران امریکا کے ساتھ براہ راست جوہری مذاکرات کر سکتا ہے۔ ایران سے یورینیم کی افزودگی مکمل طور پر بند کرنے کے امریکی مطالبات مذاق ہیں۔
