Raza Musani 
تہران: ایران اور اسرائیل کے درمیان کشیدگی میں کمی کیلئے سفارتی کوششیں تیز ہوگئی ہیں۔ اقوام متحدہ کے سربراہ انتونیو گوتریس نے دونوں ممالک پر زور دیا ہے کہ وہ بڑھتی ہوئی کشیدگی کو روکیں۔انتونیو گوتریس نے ایک بیان میں کہا کہ کافی کشیدگی ہو چکی ہے۔ اب اسے روکنے کا وقت ہے۔ امن اور سفارت کاری کو غالب ہونا چاہیے۔
سعودی ولی عہد محمد بن سلمان اور امریکی صدر ڈونلڈ ٹرمپ نے ٹیلی فون پر رابطہ کیا ہے۔ دونوں رہنماؤں نے نے ایران اور اسرائیل سے تحمل سے کام لینے اور کشیدگی میں کمی، تمام تنازعات کو سفارتی ذرائع سے حل کرنے کی اہمیت پر زوردیا۔
ادھر برطانیہ کے وزیراعظم سرکیئر اسٹارمر نے صیہونی ہم منصب نیتن یاہو سے ٹیلی فونک رابطے میں ایران کے ساتھ کشیدگی میں کمی پر زور دیا ہے۔ انہوں نے ایران کے جوہری پروگرام کے بارے میں بھی شدید تحفظات سے آگاہ کیا۔ امریکی صدر ٹرمپ نے بھی نیتن یاہو سے رابطہ کرکے ایرانی حملوں کے بعد کی صورتحال پر تبادلہ خیال کیا۔
