Raza Musani 
غزہ : صیہونی فوج نے امریکی صدر کے دعویٰ کے باوجود حملے بند نہیں کئے۔ چوبیس گھنٹوں کے دوران غزہ پر ترانوے فضائی حملے کئے اور ستر فلسطینی شہید کردئے۔ اسرائیلی جنگی طیاروں نے غزہ سٹی میں صابرہ، الجالہ اور الثلاثینی کے محلوں پر لگاتار فضائی حملے کیے اور کئی عمارتیں ملبے کا ڈھیر بنادیں۔ طیاروں نے المغازی پناہ گزین کیمپ پر بھی حملہ کیا جس سے کئی مکانات کو نقصان پہنچا۔
الازہر یونیورسٹی کو شدید گولہ باری کا نشانہ بنایا گیا، جس سے وہ مکمل طور پر تباہ ہوگئی۔ غزہ سٹی میں جاری حملوں میں سینتالیس افراد شہید ہوئے۔ غزہ کی پٹی میں دیگر علاقوں میں بھی شدید حملے کئے گئے جس سے بڑے پیمانے پر جانی نقصان ہوا۔ سب سے زیادہ بتیس لاشیں الاہلی اسپتال لائی گئیں۔ حملوں میں شہید فلسطینیوں کی مجموعی تعداد سڑسٹھ ہزار سے تجاوز کرگئی ہے۔
