Raza Musani 
غزہ: جنگ بندی کے دوبارہ آغاز کے باوجود اسرائیلی فوج نے غزہ پر تازہ حملوں کے دوران چوبیس گھنٹوں میں کم از کم پانچ فلسطینیوں کو شہید کر دیا۔ صیہونی فوج نے گذشتہ روز غزہ سٹی اور خان یونس میں بمباری، گولہ باری اور فائرنگ کا سلسلہ جاری رکھا۔ اسرائیلی فضائی حملے میں خان یونس کے مشباح محلے میں دو فلسطینی شہید کئےگئے۔ جبالیہ۔ شجاعیہ اور غزہ سٹی میں ایک ایک فلسطینی کو گولیاں مار کر شہید کیا گیا۔
تازہ حملوں نے بیس لاکھ سے زائد محصور شہریوں کے لیے انسانی بحران کو مزید گہرا کر دیا ہے۔ غزہ انتظامیہ کے مطابق اسرائیل گیارہ اکتوبر سے اب تک جنگ بندی کی کم از کم ایک سو پچیس خلاف ورزیاں کر چکا ہے۔
