ڈنمارک: خواتین نے بھی قرآن کے نسخے جلانا شروع کردئے

کوپن ہیگن : ڈنمارک میں مردوں کے بعد اب خواتین نے بھی قرآن کے نسخے جلانا شروع کردئے۔ امت مسلمہ کے شدید احتجاج کے باوجود ڈنمارک میں مسلمانوں کی مقدس کتاب پر حملے تھم نہ سکے۔ ایرانی نژاد خاتون فیروزہ بازرفکان نے ایرانی سفارتخانے کے سامنے گھناؤنا فعل انجام دیا۔ ملعونہ نے سفارت خانے کے سامنے قرآن پاک کے ایک نسخے کو ٹکڑے ٹکڑے کیا اور اسے سفارتخانے کے سامنے بکھیر دیا۔ بعد میں خاتون نے باقی قرآن کو آگ لگادی۔ اس موقع پر موجود پولیس خاتون کو تحفظ فراہم کرتی رہی جبکہ موقع پر موجود شہری بھی تماشا دیکھنے میں مصروف تھے۔ میڈیا کے مطابق فیروزہ پہلے بھی اسلام دشمنی پر مبنی اقدامات کرتی رہی ہیں۔