Raza Musani 
صنعا: اسرائیل کے یمن کے دارالحکومت صنعا اور الجوف صوبے پر حملے میں پینتیس افراد شہید اور ڈیڑھ سو کے قریب زخمی ہوگئے۔ حملے میں طبی مرکز،مقامی حکومت کا کمپاؤنڈ اور کئی گھر تباہ ہوگئے۔
یمن کی وزارت صحت کے مطابق اسرائیل نے حملوں میں جنوب مغربی صنعا میں شعبہ صحت کے لیے ایک طبی مرکز اور الحزم میں مقامی حکومت کے کمپاؤنڈ کو نشانہ بنایا۔ اخلاقی رہنمائی کے ہیڈ کوارٹر پر اسرائیلی حملے کے نتیجے میں کئی افراد شہید اور زخمی ہوئے جبکہ بمباری سے متعدد گھروں کو نقصان پہنچا۔ بیان میں خبردار کیا گیا ہے کہ اموات کی تعداد بڑھ سکتی ہے کیونکہ امدادی ٹیمیں متاثرین کی تلاش جاری رکھے ہوئے ہیں.
اسرائیلی فوج نے ایک بیان میں حملے کی تصدیق کی اور کہا کہ اس نے یمن میں فوجی اہداف کو نشانہ بنایا ہے۔ یمنی فوج نے کہاہےکہ اسرائیل غزہ کی حمایت ختم کرانے کےلیے حملے کررہا ہے لیکن جنگ ختم ہونے تک کارروائیاں جاری رہیں گی۔
