غزہ میں بھوکے متاثرین پر مہلک ترین حملہ، 57 فلسطینی شہید، 200 سے زائد زخمی، دنیا خاموش تماشائی

غزہ : صیہونی فوج نے غزہ میں قیامت برپا کردی۔ امداد تک رسائی کی کوشش کرنے والے ستاون بھوکے پیاسے فلسطینی شہید اور 200 سے زائد زخمی کردئے۔ صیہونی فوج نے نیٹزارم کوریڈور کے قریب جی ایچ ایف کے امدادی مرکز جانیوالے اور وہاں جمع بھوکے متاثرین پر اندھا دھند گولیاں چلائیں جس کے نتیجے میں بڑے پیمانے پر جانی نقصان ہوا۔ صیہونی فوج نے خان یونس۔ جبالیہ ۔ غزہ سٹی اور بیت لاہیہ میں بھی نہتے اور مظلوم فلسطینوں کا قتل عام جاری رکھا۔
چوبیس گھنٹوں کے دوران صیہونی حملوں میں ایک سو بیس سے زائد فلسطینی شہید کردئے گئے.
ادھر اسرائیلی فوج کو جنوبی غزہ کے علاقے خان یونس میں آپریشن کے دوران مزید دو مغویوں کی لاشیں مل گئیں۔ ایک ہفتے کے دوران ملنے والے مغویوں کی لاشیں پانچ ہو گئی ہیں۔